ഇന്നൊരു പക്ഷേ ഏറ്റവും കൂടുതൽ കേൾക്കുന്ന വാക്കുകൾ ആണ് മത സൗഹാർദവും മതനിന്ദയും എന്ന് തോന്നുന്നു. മതത്തിന്റെ പേരിൽ പരസ്പരം ഹീനമായി നിന്ദിയ്ക്കാൻ തക്കവണ്ണം ആളുകൾ ഇത്രമാത്രം മതത്തിനു അടിമകൾ ആണ്എന്ന്എ നിക്ക് തോന്നുന്നില്ല. പരസ്പരം കലഹിക്കാൻ മതം പലപ്പോഴും ഒരു കാര ണമാകുന്നു എന്നു മാത്രം. പലവിധ ജാതി-മത -വിശ്വാസങ്ങൾ ശക്തമായി നിലനില്ക്കുന്ന ഇന്ത്യയിൽ പ്രധാനമായും ആരോപണങ്ങൾ ഉയരുന്നത് നേതൃനിലയിലുള്ള മൂന്ന് പ്രമുഖ മതങ്ങൾക്ക് എതിരെയാണ്. ഹിന്ദു - മുസ്ലിം -ക്രിസ്ത്യൻ മതങ്ങളാണ് അവ. മറ്റു മത വിശ്വാസികളെ, അവരുടെ ആചാരങ്ങളുടെയും ആരാധനകളുടെയും മതഗ്രന്ഥങ്ങളുടെയും പേരിൽ എന്തിനാണ് ഇവർ നിന്ദിക്കുന്നത്. സ്വന്തം അച്ഛനും അമ്മയും പോലെ തന്നെ സ്വന്തം. മതവിശ്വാസവും ഏവർക്കും പ്രധാനപ്പെട്ടതാണ് . അതിനെ ആക്ഷേപിക്കുന്നതോ വിമർശിക്കുന്ന തോ ഏത് വിഭാഗത്തിൽ പെട്ട വിശ്വാസികൾ ആയാലും അവർക്ക് ഭൂഷണവുമല്ല.
മതങ്ങൾ തമ്മിൽ അല്ല മതവിശ്വാസികൾ തമ്മിലുള്ള സ്പർദ്ധ വളരെ ഏറെ വർദ്ധിച്ചിരിക്കുന്നു. അന്യമതക്കാരെ വിശ്വസിക്കാനും സ്നേഹിക്കാനും ഒരു വിമുഖത എവിടെയും പ്രകടമാണ്. ശാന്തമായ സമൂഹം കെട്ടിപ്പടുക്കുവാൻ ഇത് ഒട്ടും അനുകൂലവുമല്ല എന്നുമാത്രമല്ല പ്രതികൂലവും ആണ്. ഇന്ത്യയിൽ ഏറ്റവും കൂടുതൽ മുസ്ലിം ജനസംഖ്യയുള്ള സംസ്ഥാനം ഏത് എന്ന് പറഞ്ഞാൽ നിങ്ങൾക്ക് ഒരുപക്ഷേ അവിശ്വസനീയമായി തോന്നാം. ബിജെപി ഭരിക്കുന്ന ഉത്തർപ്രദേശ് ആണ് അത്. അവിടെ മിക്ക പ്രദേശങ്ങളിലും ഹിന്ദു-മുസ്ലീം സൗഹൃദം നിലനിൽക്കുന്നുണ്ട്. അതില്ല എങ്കിൽ ബിജെപിക്ക് അവിടെ അധികാരത്തിൽ വരാൻ കഴിയില്ലല്ലോ. ഇ നി കേരളത്തിലേക്ക് നോക്കിയാൽ ഇന്ത്യയിലെ മുസ്ലിം ജനസംഖ്യയിൽ ആറാം സ്ഥാനമാണ് നമുക്കുള്ളത്. ക്രിസ്ത്യൻ ജനസംഖ്യയുടെ കാര്യത്തിൽ ഇന്ത്യയിൽ ഒന്നാം സ്ഥാനം കേരളത്തിനാണ്. ഇടയ്ക്കിടെ ചില വിഭാഗങ്ങൾ സമാധാനപരമായ ജീവിതത്തിന് ഇടം കോൽ ഇടുന്നു എങ്കിലും പൊതുവേ ഹിന്ദു -മുസ്ലിം- ക്രിസ്ത്യൻ വിഭാഗങ്ങൾ തമ്മിൽ സൗഹാർദ്ദപരമായ സമീപനമാണ് കേരളത്തിൽ നിലനിൽക്കുന്നത്. ( വ്യക്തിപരമായി പറയുകയാണെങ്കിൽ എന്റെ അടുത്ത സുഹൃത്തുക്കളിൽ കൂടുതൽ പേരും മറ്റു മതവിഭാഗങ്ങളിൽ പെട്ടവരാണ്. ഞങ്ങൾ ഒരിക്കലും മറ്റൊരാളുടെ വിശ്വാസത്തെയോ ആചാരത്തെയോ, അപമാനിക്കുകയോ തള്ളിപ്പറയുകയോ ചെയ്തിട്ടില്ല. ) കേരളത്തിന് മറ്റൊരു പ്രാധാന്യം കൂടിയുണ്ട്. ഹിന്ദു -മുസ്ലിം- ക്രിസ്ത്യൻ മതങ്ങൾ കൂടാതെ മറ്റൊരു വിഭാഗം കൂടി ഇവിടെയുണ്ട്. മതമില്ലാത്തവർ, ഈശ്വര വിശ്വാസം ഇല്ലാത്തവർ. മറ്റൊരു സംസ്ഥാനത്തും ഇത്രയും യുക്തി വാദികളെ കണ്ടെത്താൻ കഴിയുമെന്ന് തോന്നുന്നില്ല. അടുത്തകാലം വരെ കമ്മ്യൂണിസ്റ്റുകാർ മത -ഈശ്വര വിശ്വാസങ്ങളെ ശക്തമായി എതിർത്തിരുന്നു എങ്കിലും ഇപ്പോൾ മൃദുസമീപനം ആണ് ഉള്ളത് എന്ന് തോന്നുന്നു. കൂടാതെ മതവിഭാഗങ്ങളെ ഒപ്പം കൂട്ടാനായി അവർക്ക് കുട പിടിക്കാനുള്ള ശ്രമവും അവർ നടത്തുന്നുണ്ട്. എന്നാൽ കമ്മ്യൂണിസ്റ്റ് പാർട്ടി 30 വർഷം ഭരിച്ച വെസ്റ്റ് ബംഗാളിൽ അക്കാലത്തും കാളീപൂജ പോലെയുള്ള ദൈവീക ചടങ്ങുകൾ ആഘോഷപൂർവ്വം നടന്നിരുന്നു എന്നത് ഇവിടെ പലർക്കും വിരോധാഭാസമായി തോന്നാം.
ഓരോ മതങ്ങളിലും ജനങ്ങൾക്കുള്ള വിശ്വാസം എന്നും എപ്പോഴും സംരക്ഷിക്കേണ്ടത് സർക്കാരിന്റെ കടമയാണ്. ഒരു മതക്കാരുടെ വിശ്വാസത്തെ മറ്റു വിഭാഗങ്ങൾ ചോദ്യം ചെയ്യുകയോ നിന്ദിക്കുകയോ ചെയ്താൽ അവരെ തടയുവാനും അവർക്കെതിരെ ശക്തമായ നടപടി എടുക്കുവാനും ഓരോ സർക്കാരിനും കഴിയണം. അത് ഒരിക്കലും ഒരു പ്രത്യേക മതത്തെ സംരക്ഷിച്ചുകൊണ്ട് ആകരുത്. മതേതരത്വത്തിനു പ്രാധാന്യം നൽകുന്ന ഭാരതത്തിൽ മതനിന്ദ നടത്തുന്ന ഓരോ വ്യക്തിയേയും കർശനമായി ശിക്ഷിക്കുവാനും മതേതരത്വം ശക്തമായി നടപ്പാക്കുവാനും സർക്കാരിനു കഴിയണം. അപ്പോഴേ രാജ്യത്തിന്റെ ഐക്യത ക്ക്
ഉറപ്പു വരികയുള്ളൂ. ഇത്തരത്തിലുള്ള
മതനിന്ദ കൾ പൊതുസമൂഹത്തി പറയുന്നവർക്കെതിരെ - അവർ ഏതു മതവിഭാഗത്തിൽ പെട്ടവരായാലും - അതി കർശനമായ ശിക്ഷാ നടപടികൾ സ്വീകരിച്ചാൽ മാത്രമേ ഇത്തരം ഹീനമായ പ്രവർത്തനങ്ങൾക്ക് തടയിടാൻ കഴിയൂ. മതത്തിന്റെ പേരിൽ ജനങ്ങൾ പരസ്പരം ആക്രമിക്കാതിരിക്കുവാൻ സർക്കാർ കൂടുതൽ ജാഗരൂകരാകേണ്ടിയിരിക്കുന്നു.
No comments:
Post a Comment